Question 1

Байгууллагын хариуцлагын даатгал

Accepted Answer

Даатгалын зүйл:
Даатгуулагч байгууллагын ерөнхий үйл ажиллагаанаас үүдсэн санамсар болгоомжгүй буруутай үйлдлийн улмаас гуравдагч этгээдийн амь нас, эрүүл мэнд, эд хөрөнгөд учруулсан хохирлыг нөхөн төлнө.
Даатгалын хугацаа:
12 сар
Хамгаалах эрсдэлүүд:
Даатгуулагч байгууллагын бүтээгдэхүүн, үйлчилгээ, үйл ажиллагааны улмаас гуравдагч этгээдийн амь нас, эрүүл мэнд, эд хөрөнгөд хохирол учруулах
Даатгалын үнэлгээ:
50,000,000₮-с дээш даатгагч даатгуулагч нар харилцан тохиролцоно.
Даатгалын хураамж:
Эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Даатгуулагчийн эсрэг мэдүүлсэн нэг шалтгаанаас үүдэлтэй нэг буюу хэд хэдэн нэхэмжлэлийг даатгагч даатгуулагчийн хариуцах хэсгийг хасаж даатгалын үнэлгээнээс хэтрүүлэхгүй төлнө. 
 • Нэг удаагийн тохиолдолд олгох нөхөн төлбөрийн дээд хэмжээ нь даатгалын үнэлгээний 50% байна.
Хасагдах хэсэг /нөхөн төлбөр олгохгүй нөхцөл/:
 • Эрүүл мэнд болон эд хөрөнгийн хохиролтой шууд хамааралгүй, санхүүгийн хохирол болон мөнгөөр шууд хэмжих боломжгүй хохирлууд
 • Даатгуулагч нь мэргэжлийн үйл ажиллагаа эрхлэхдээ стандарт, чанарын шаардлагад нийцээгүй орчинд, шаардлага хангаагүй бүтээгдэхүүн, багаж хэрэгсэл, хэрэглэгдэхүүнээр үйл ажиллагаа явуулсны улмаас учирсан хохирол;
 • Бүх төрлийн мэргэжлийн хариуцлагын даатгал
 • Далд болон усан доорх олборлолт, уул уурхайн үйлдвэр, тэдгээртэй холбоотой бүх далд уурхайн үйлчилгээ, хайрга бэлтгэх газар, тунел (ухах орно), худаг, гүн шуудуу ухах ариутгах татуургын гэрээ
 • Байгалийн хийн үйлдвэрлэл, хадгалалт, ханган нийлүүлэлт, борлуулалттай холбоотой үйл ажиллагаа
 • Газрын тос, шингэн, хийн түлшийг өрөмдөх, боловсруулах, цэвэршүүлэх, хадгалах, нийлүүлэх 
 • Гадаад, дотоод дахь газрын тосны байгууламж, газрын тос, хийн өрмийн тавцан, суурилуулалт 
 • Тээвэрлэгч, тээвэр зуучийн компанийн хариуцлага
 • Зорчигч тээвэрлэгчийн хариуцлага  
 • Даатгуулагч нь тухайн чиглэлийн ажил үүргийг гүйцэтгэх эрхгүй этгээд ажиллуулсны улмаас учирсан хохирол;
 • Гуравдагч этгээдэд учруулсан хохирлын үр дагавараас үүдэлтэй хохирол, алдагдсан боломж, ашиг орлого
 • Даатгуулагчийн өөрийн хөрөнгө, ажилтанд учирсан хохирол
 • Даатгуулагчийн эрх, үүргийг өөр бусад этгээд шилжүүлэн авснаас шалтгаалсан хохирол; 
 • Байгаль орчин, газар, түүний хэвлийд учруулсан хохирол, түүний хор уршиг
 • Төлбөрийн чадваргүй болох
 • Сэтгэл санааны хохирол 
 • Бусдад баталгаа, батлан даалт гаргах

Question 2

Ажил олгогчийн хариуцлагын даатгал

Accepted Answer

Даатгалын зүйл:
Даатгуулагч байгууллагын даатгагдсан ажилчид ажил үүргээ гүйцэтгэж байх үед учирсан үйлдвэрлэлийн осол, мэргэжлээс шалтгаалах өвчин болон хурц хордлогын улмаас нас барах, хөдөлмөрийн чадвараа алдсан тохиолдолд хохирлыг нөхөн төлнө.
Даатгалын хугацаа:
12 сар
Хамгаалах эрсдэлүүд:
Даатгуулагчийн ажилтан даатгал үйлчлэх хүрээнд ажил үүргээ гүйцэтгэж байх үедээ үйлдвэрлэлийн осол, мэргэжлээс шалтгаалах өвчин болон хурц хордлогын улмаас нас барах, хөдөлмөрийн чадвараа алдах
Даатгалын үнэлгээ:
Ажилчны нэг сарын дундаж цалинг 36 дахин нэмэгдүүлсэн дүнгээр тооцно.
Даатгалын хураамж:
Ажил үүргийн төрөл болон эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Ажилтан даатгалын эрсдэлийн улмаас хөдөлмөрийн чадвар алдалтын зэрэг тогтоолгож нөхөн төлбөр авсан боловч цаашид эмчилгээ авалгүй нас барах, уг гэмтэл бэртэл нь цаашид амь насаа алдах шалтгаан болсон тохиолдолд даатгагчаас даатгалын үнэлгээний үлдэгдлийг нэмж төлнө. Гэрээний хугацаанд ийнхүү урьд нь олгогдсон болон нэмж олгох нөхөн төлбөрийн дүн нь тухайн ажилтны даатгалын үнэлгээнээс хэтрэхгүй байна.
 • Даатгалын эрсдэлийн улмаас ажилтны амь насыг яаралтай хамгаалах нөхцөл байдалд орсон буюу эмчийн заавраар зайлшгүй агаараар тээвэрлэх нөхцөл байдал бий болсон бол даатгагчийн эмчид мэдэгдэж зөвшөөрөл авсны дагуу агаараар зөөн тээвэрлэх зардлыг гэрээний хугацаанд нийтдээ нэг удаа 1,000,000 төгрөг хүртэлх хэмжээгээр даатгалын үнэлгээнд багтаан нөхөн төлнө.
Хасагдах хэсэг /нөхөн төлбөр олгохгүй нөхцөл/:
 • Насанд хүрээгүй, сэтгэцийн эмгэг өвчтэй иргэнтэй хөдөлмөрийн гэрээ байгуулан ажилласан бол тухайн ажилтанд учирсан хохирлоос үүдсэн хариуцлага;
 • Хөгжлийн бэрхшээлтэй иргэннийг хөдөлмөр эрхлэх нөөц боломжоор хангаагүйн улмаас учирсан хохирол;
 • Энэхүү гэрээнд заагдсанаас бусад хөдөлмөрийн гэрээгээр хүлээсэн аливаа хариуцлага; 
 • Даатгуулагч ажилтнуудыг хөдөлмөр хамгааллын хэрэгслээр хангаагүй, аюулгүй ажиллах нөхцөлийг бүрдүүлж өгөөгүйн улмаас учирсан хохирол;
 • Хуульд заасан хугацаанд үйлдвэрлэлийн ослын актыг гаргаж, улсын байцаагчаар баталгаажуулаагүй, эмнэлэг хөдөлмөрийн магадлах комиссын дүгнэлт гаргаагүй;
 • Гэрээний хавсралтад нэр заагдаагүй, ажилтнуудын шилжилт хөдөлгөөнийг даатгагчид мэдэгдэж шинэчлээгүй үед ажилтнуудад учирсан хохирол;
 • Ажлын бус цагаар эсвэл даатгал хамрах хүрээнээс өөр газар нутагт болсон осол, түүний үр дагавар;
 • Ажилтан дараах шалтгааны улмаас гэмтэж хохирсноос үүдсэн хариуцлага
 • Амиа егүүтгэх эсвэл амиа егүүтгэх оролдлого, ажилтан өөрийгөө санаатай гэмтээсэн, бусдын амийг аврахаас бусад тохиолдолд өөрийгөө аюултай байдалд зориуд оруулсан 
 • Ажилтан сураггүй алга болсны улмаас учирсан хохирол
 • Ажилтан согтууруулах ундаа, мансууруулах бодис хэрэглэсэн байсан нь тогтоогдсон
 • Ажилтан тухайн албан тушаал дах ажил үүргийг гүйцэтгэх эрхгүй байсны улмаас учирсан хохирол
 • Тухайн мэргэжлийг эзэмшсэн боловч үйл ажиллагаа явуулахад шаардагдах тусгай зөвшөөрөлгүй
 • Ажлын бус цагаар ажилласнаас үүдэн гарсан хохирол; 
 • Ажил олгогчийн зүгээс ажилтныг өдөрт ажиллавал зохих цагаас 4-аас дээш илүү цагаар ажиллуулсан, ажилтан амралтгүйгээр дараагийн ээлжид үргэлжлүүлэн ажилласнаас шалтгаалж учирсан хохирол;

Question 3

Мэргэжлийн хариуцлагын даатгал

Accepted Answer

Даатгалын зүйл:
Даатгуулагчийн мэргэжлийн санамсар болгоомжгүй буруутай үйлдлийн улмаас гуравдагч этгээдийн амь нас, эрүүл мэнд, эд хөрөнгөд учруулсан хохирлыг нөхөн төлнө.
Даатгалын хугацаа:
12 сар
Хамгаалах эрсдэлүүд:
Даатгуулагчийн мэргэжлийн алдаатай буруутай үйл ажиллагааны улмаас гуравдагч этгээдийн амь нас, эрүүл мэнд, эд хөрөнгөнд учирсан хохирлын хариуцлага
Даатгалын үнэлгээ:
5,000,000₮ болон түүнээс дээш
Даатгалын хураамж:
Ажил үүргийн төрөл болон эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Даатгуулагчийн эсрэг мэдүүлсэн нэг шалтгаанаас үүдэлтэй нэг буюу хэд хэдэн нэхэмжлэлийг даатгагч даатгуулагчийн хариуцах хэсгийг хасаж даатгалын үнэлгээнээс хэтрүүлэхгүй төлөх ба даатгалын үнэлгээ нь өмнө олгосон нөхөн төлбөрийн хэмжээгээр буурна. 
 • Нэг удаагийн тохиолдолд олгох нөхөн төлбөрийн дээд хэмжээ нь даатгалын үнэлгээний 50% байна.
 • Гэрээний хугацаанд бий болсон даатгалын тохиолдлоос үүссэн нэхэмжлэлийг даатгалын гэрээнд заасны дагуу шийдвэрлэж нөхөн төлбөр олгоно. 
Хасагдах хэсэг /нөхөн төлбөр олгохгүй нөхцөл/:
 • Даатгуулагч эсхүл түүний эрх бүхий этгээд нь тухайн албан тушаал дах ажил үүргийг гүйцэтгэх эрхгүй эсвэл мэргэжлийн бус, мэргэшсэн бус байсны улмаас учирсан хохирол; 
 • Тухайн мэргэжлийг эзэмшсэн боловч үйл ажиллагаа явуулахад шаардагдах тусгай зөвшөөрөлгүй, зөвшөөрлийн хугацаа дууссан;
 • Ажил үүргээ гүйцэтгэхэд мөрдөж ажиллах ёстой дүрэм, журам, заавартай танилцаагүй, эрх бүхий удирдах албан тушаалтнаас хүлээж аваагүй, ажлын байрны тодохойлолтонд дурьдаагүй ажлыг гүйцэтгэсний улмаас учирсан хохирол;
 • Даатгуулагч нь мэргэжлийн үйл ажиллагаа эрхлэхдээ стандарт, чанарын шаардлагад нийцээгүй орчинд, шаардлага хангаагүй бүтээгдэхүүн, багаж хэрэгсэл, хэрэглэгдэхүүнээр үйл ажиллагаа явуулсны улмаас учирсан хохирол;
 • Даатгуулагчийн эрүүл мэндийн байдлаас шалтгаалан учирсан хохирол;
 • Ажлын бус цагаар ажилласны улмаас учирсан хохирол; 
 • Ажил хаялт, үйлдвэрчний эвлэлийн шинж чанартай үйлдлээс үүдэн гарсан хохирол; 
 • Тэтгэврийн сантай холбоотой хариуцлага
 • Ажил олгочид учруулсан хохирлын хариуцлага

Question 4

Барилга угсралтын ажлын хариуцлагын даатгал

Accepted Answer

Даатгалын зүйл:
Даатгуулагчийн барилга угсралтын үйл ажиллагаанаас шалтгаалан гуравдагч этгээдийн амь нас, эрүүл мэнд, эд хөрөнгөд учирсан хохирлыг нөхөн төлнө.
Даатгалын хугацаа:
Барилга угсралтын ажлын хугацаанаас хамаарна.
Хамгаалах эрсдэлүүд:
 • Даатгуулагчийн үйл ажиллагаатай холбоотой санамсар болгоомжгүй буруутай үйлдлийн улмаас гуравдагч этгээдийн өмнө хүлээх хариуцлага:
 • Гуравдагч этгээдийн амь нас, эрүүл мэндэд хохирол учруулах
 • Гуравдагч этгээдийн эд хөрөнгөнд хохирол учруулах 
Даатгалын үнэлгээ:
50,000,000₮ болон түүнээс дээш
Даатгалын хураамж:
Эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Даатгуулагчийн эсрэг мэдүүлсэн нэг шалтгаанаас үүдэлтэй нэг буюу хэд хэдэн нэхэмжлэлийг даатгагч даатгуулагчийн хариуцах хэсгийг хасч даатгалын үнэлгээнээс хэтрүүлэхгүй төлөх ба даатгалын үнэлгээ нь өмнө олгосон нөхөн төлбөрийн хэмжээгээр буурна.   
 • Даатгалын тохиолдлын улмаас гуравдагч этгээдийн эрүүл мэндэд хохирол учирсан бол эмнэлгийн магадалгаа дүгнэлт эсвэл шүүх эмнэлгийн дүгнэлт, эмчилгээ хийлгэхэд гарсан зардлын баримтыг бүрдүүлж өгнө.
Хасагдах хэсэг /нөхөн төлбөр олгохгүй нөхцөл/:
 • Асбест, асбест бүхэлдээ эсвэл хэсэгчлэн орсон бүтээгдэхүүн олборлох, боловсруулах, үйлдвэрлэх, ханган нийлүүлэх, хадгалсны улмаас учирсан хохирол, хуулийн хариуцлага;   
 • Эрүүл мэнд болон эд хөрөнгийн хохиролтой шууд хамааралгүй, санхүүгийн хохирол болон мөнгөөр шууд хэмжих боломжгүй хохирлууд; 
 • Бүтээгдэхүүний хольц, бүтээгдэхүүний баталгаа/ буцаан таталт (эхний болон гуравдагч этгээдийн хариуцлага), гэрээний торгуулийн алданги;
 • Барилга байгууламж, цамхаг, пераметр хэлбэртэй дээвэр, далан, хаалт, гүүр, яндан, давхар зам, усан доорх барилга байгууламж барих, нураах, буулгах, засвар үйлчилгээ эрхэлдэг гүйцэтгэгч
 • Удирдах ажилтан, албан тушаалтнуудын хариуцлагын даатгал, Итгэмжлэгдсэн этгээдийн хариуцлагын даатгал, мэргэжлийн хариуцлагын даатгал
 • Ажилтай холбоотой гэмтэл, бэртэл болон ажил мэргэжлээс шалтгаалах өвчний үед ажилчдыг болон ажил олгогчийг хамгаалах даатгал;
 • Арван жилд нэг удаа болох хариуцлага (Барилгын төсөл дууссанаас хойш тодорхой урт хугацаанд барилга бүрэн болон хэсэгчлэн нурах эрсдэлээс хамгаалах) Далд доголдлын даатгал; 
 • Ажилтнуудын үнэнч шударга байдлын даатгал, зээлийн болон санхүүгийн баталгааны даатгал, гуравдагч этгээдийн өмнө хүлээх хуулийн хариуцлага (гүтгэх болон хуурамч мэдээллээр нэр хүндийг нь гутаах) гэх мэт урьдчилан сэргийлэх боломжгүй хувь хүний эрсдэлийн даатгал; 
 • Даатгуулагч болон туслан гүйцэтгэгч нь барилгын үйл ажиллагаа явуулах тусгай зөвшөөрөлгүй эсхүл түр түдгэлзүүлсэн, үйл ажиллагааг зогсоосон байх үед үйл ажиллагаа явуулсны улмаас учирсан хохирол;
 • Даатгуулагч болон туслан гүйцэтгэгч барилга угсралтын үйл ажиллагаа явуулахдаа мэргэжлийн бус этгээдийг ажиллуулсны улмаас учирсан хохирол; 
 • Гуравдагч этгээдэд учруулсан хохирлын үр дагавраас үүдэлтэй хохирол, алдагдсан боломж, ашиг орлого 
 • Байгалийн гамшиг, даатгуулагчийн үйл ажиллагаатай холбоогүй үйлдэл, эс үйлдлээс шалтгаалж гуравдагч этгээдэд учруулсан хохирол, түүний хариуцлага
 • Даатгуулагч нь барилга угсралтын үйл ажиллагаа эрхлэхдээ стандарт, чанарын шаардлагад нийцээгүй орчинд, шаардлага хангаагүй бүтээгдэхүүн, багаж хэрэгсэл, хэрэглэгдэхүүнээр үйл ажиллагаа явуулсны улмаас учирсан хохирол; 
 • Санхүүгийн бэрхшээл, төлбөрийн чадваргүй байдлын улмаас учирсан хохирол, түүний хор уршиг; 
 • Даатгуулагчийн үйлдвэрлэдэг, худалдаалдаг, нийлүүлдэг бүтээгдэхүүнээс үүдэн бий болсон хохирол;
 • Байгаль орчин бохирдуулсны хариуцлага; 
 • Ашиглалтын горим зөрчсөн, даац ачаалал хэтрүүлсэн мөн барилгын ажлын хяналтыг тогтмол хийгээгүйгээс учирсан хохирол; 
 • Үйлдвэрийн дефект болон эд хөрөнгө, тоног төхөөрөмжийг буруу суурилуулсан, угсарсан, задалснаас үүдэн гарсан аливаа хохирол; 
 • Гэрээнд тусгагдаагүй бусад хариуцлага;
 • Даатгуулагч, түүний ажилтнууд ажлын бус цагаар эсвэл ажлын байрнаас бусад газар гуравдагч этгээдийн амь нас, эд хөрөнгө, эрүүл мэндэд учруулсан хохирол;
 • Даатгал үйлчлэх нутаг дэвсгэрийн гадна учирсан хохирол.

Дараах хэрэгслийн өмчлөл, ажиллагаа, ашиглалт:   
 • Агаарын хөлөг, агаарын шугам, агаарын дэртэй тээврийн хэрэгсэл (агаарын хөлгийн угсралт, засвар үйлчилгээ, суурилуулалт орно), аеродром, нисэх буудал (дахин цэнэглэх, удирдлагын цамхагийн хариуцлага, агаарын периметрын доторхи барилгын ажил, засвар үйлчилгээ орно), бусад нисэх хүчний эрсдэл.
 • Хөлөг онгоцны навигаци
 • Төмөр зам, трамбай, троллейбус, кабелаар явдаг машин, лифт
 • Усан онгоцны зогсоол (усан онгоцны зогсоолын асуудал хариуцсан газрууд орно), хуурай зогсоол, засварын газар, усан боомт, зогсоол, ачаа буулгах хэсэг, боомтын ачигч, зогсоолын ажилчид, усан онгоцны барилга байгууламж, засвар үйлчилгээ, суурилуулалт, усан онгоцон дээр суурилуулсан зүйлсийг засварлах, оффшор дарвуул, бүх төрлийн оффшор эрчим хүчний эрсдэл
 • Цанын бааз
 • Сургууль, коллеж, их, дээд сургууль
 • Өрсөлдөгч моторт тээврийн хэрэгслийг хамарсан спорт уулзалтууд
 • Хог хаягдлын устгал, хадгалалт  
 • Далан, хаалт, гүүр, яндан, давхар зам, цамхаг, пирамид хэлбэртэй дээвэр

Question 5

Тээвэрлэгчийн хариуцлагын даатгал

Accepted Answer

Даатгалын зүйл:
Даатгуулагчийн өөрийн тээврийн хэрэгслээр болон бусдаар тээвэрлүүлж буй гуравлагч этгээдийн ачаа бараанд хохирол учирсан үед ачаа тээвэрлүүлэгчийн өмнө хүлээх хуулийн хариуцлага алдаж гарж болзошгүй хохирлыг нөхөн төлнө.
Даатгалын хугацаа:
Тээвэрлэлтийн хугацаанаас хамаарна.
Хамгаалах эрсдэлүүд:
Шууд тээвэрлэгчийн хувьд дараах шалтгаанаар үйлчлүүлэгчид учруулсан хохирол: 
 • Даатгуулагч санамсар болгоомжгүй буруутай үйлдлийн улмаас зам тээврийн осол гаргаж тээвэрлэж буй ачаа бараанд хохирол учруулах

Тээвэр зуучийн хувьд дараах шалтгаанаар үйлчлүүлэгчид учруулсан хохирол: 
 • Тээвэр зохион байгуулалтын үйл ажиллагаанд алдаа гаргаснаас үйлчлүүлэгчид хохирол учруулах
 • Тээвэрлэгчийн хариуцан тээвэрлүүлж буй ачаа бараанд учруулах хохирлын хариуцлага 
Даатгалын үнэлгээ:
Тээвэрлэж буй ачаа барааны үнэлгээгээр тогтооно.
Даатгалын хураамж:
Эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Даатгуулагчийн эсрэг мэдүүлсэн нэг шалтгаанаас үүдэлтэй нэг буюу хэд хэдэн нэхэмжлэлийг даатгагч даатгуулагчийн хариуцах хэсгийг хасаж даатгалын үнэлгээнээс хэтрүүлэхгүй төлөх ба даатгалын үнэлгээ нь өмнө олгосон нөхөн төлбөрийн хэмжээгээр буурна. 
 • Нэг удаагийн тохиолдолд олгох нөхөн төлбөрийн дээд хэмжээ нь даатгалын үнэлгээний 50% байна.
 • Гэрээний хугацаанд бий болсон даатгалын тохиолдлоос үүссэн нэхэмжлэлийг даатгалын гэрээнд заасны дагуу шийдвэрлэж нөхөн төлбөр олгоно. 
Хасагдах хэсэг /нөхөн төлбөр олгохгүй нөхцөл/:
 • Ачаа барааны шинж чанараас шалтгаалж гарсан хохирлууд, барааны ердийн элэгдэл хэвийн хорогдол, ууршилт, жин алдалт, гоожих, шүүрэх зэрэг гадны нөлөөгүй эрсдэлүүд, болон өт хорхой, мэрэгч амьтад, хортон шавжийн нөлөөллөөс үүдсэн хохирол;
 • Ачаа барааг Монгол улсын эсвэл дамжин өнгөрүүлэх, тээвэрлэх улс орнуудын хуульд заасан журам нөхцөлийн дагуу хураасан, устгасны улмаас учирсан хохирол;
 • Стандарт шаардлага хангаагүй тээврийн хэрэгсэл, агуулах, контейнер, сав баглаа боодлын улмаас учирсан хохирол;
 • Хөдөө аж ахуй, мал аж ахуйн гаралтай бүтээгдэхүүн, хүнсний бүтээгдэхүүнд тээвэрлэлтийн явцад гарсан чанарын өөрчлөлтүүдээс шалтгаалсан хохирол;
 • Замд саатсан аливаа шалтгааны улмаас үүссэн хохирол, санхүүгийн алдагдал;
 • Тээвэрлэгчийн санхүү төлбөрийн чадварын хүндрэлээс шалтгаалан гарсан хохирлууд;
 • Барааг хамгаалахаас бусад шалтгаанаар сав баглаа, контейнер болон түүнтэй адилтгах битүүмжийг задалсан, өөрчилсөн зэргээс шалтгаалсан хохирол;
 • Цаг агаарын ердийн өөрчлөлтөөс хамгаалах /дулаалга, хөргүүр/ арга хэмжээ аваагүй эсвэл дутуу авснаас үүдсэн хохирол; 
 • Даатгуулсан ачаа бараа гээгдсэн, дээрэмдүүлэх зэрэг шалтгааны улмаас учирсан хохирол; 
 • Агаарын зам, усан зам, хуурай замын аливаа тээврийн хэрэгслээр тээвэрлэх бий болох хохирол; 
 • Ачаа тээврийн даатгал 
 • Даатгуулагчийн өөрийн хөрөнгө, ажилтанд учрах хохирол; 
 • Байгаль орчин бохирдуулсны хариуцлага; 
 • Захиргааны шийтгэл, торгууль;
 • Гэрээний хариуцлагатай холбоотой анз; 
 • Даатгуулагчийн эрх, үүргийг өөр бусад этгээд шилжүүлэн авснаас шалтгаалсан хохирол; 
 • Гуравдагч этгээдэд учруулсан хохирлын үр дагавраас үүдэлтэй хохирол, алдагдсан боломж, ашиг орлого;
 • Байгалийн гамшиг, даатгуулагчийн үйл ажиллагаатай холбоогүй үйлдэл, эс үйлдэл, замын нөхцөлөөс шалтгаалж гуравдагч этгээдэд учруулсан хохирол 
 • Тогтсон шавар, гарам болон зам гаргаагүй хэсгээр гол, горхи, мөрөн, нуур гатлах, мөсөн дээгүүр явах эсвэл мөстсөн голоор гарах үед учирсан хохирол; 
 • Тээврийн хэрэгслийн үйлдвэрээс тогтоосон даац хэтрүүлсэн, техникийн хүчин чадлын хувьд зорчих боломжгүй газраар жолоодсон; 
 • Жолоодох эрхгүй, жолоочийн зөвшөөрөлгүй, даатгалгүй этгээд тээврийн хэрэгслийг жолоодох үед учирсан хохирол;
 • Өвлийн цагт хөдөлгүүр халаах болон бусад зориулалтаар ил гал гаргаснаас үүдсэн  хохирол;
 • Авто замаас бусад газраар явснаас (батлагдсан замаас гарч шинэ зам гаргах гэх мэт) үүдэн гарсан хохирол;
 • Техникийн шаардлага зөрчсөн засвар хийсэн, тухайн тээврийн хэрэгсэл дээр зориулалтын бус эд анги, нэмэлт тоноглол тавих, түүнээс үүдсэн хохирол; 
 • Замын хөдөлгөөний дүрэмд заасан эвдрэл, гэмтэл, техникийн зөрчилтэй буюу тээврийн хэрэгслийн техникийн байдалд тавих стандартын шаардлагыг хангаагүй, улсын техникийн ээлжит үзлэг, бүртгэлд хамрагдаагүй эсвэл бүрэн бус тээврийн хэрэгслийг ашиглах үед учирсан хохирол;

Question 6

Жолоочийн хариуцлагын албан журмын даатгал

Accepted Answer

Даатгалын зүйл:
Даатгуулагчийн тээврийн хэрэгслээр хөдөлгөөнд оролцож байх үедээ санамсар болгоомжгүй, буруутай үйлдлийн улмаас гуравдагч этгээдийн амь нас, эрүүл мэнд, эд хөрөнгөд учирсан хохирлыг нөхөн төлөх мөн зорчигчийн амь нас, эрүүл мэндэд учруулсан хохирлыг нөхөн төлнө.
Даатгалын хугацаа:
12 сар
Хамгаалах эрсдэлүүд:
1. Гуравдагч этгээдийн эд хөрөнгөнд хохирол учруулах
2. Гуравдагч этгээдийн амь нас, эрүүл мэндэд хохирол учруулах
Даатгалын үнэлгээ:
5,000,000₮ / 10,000,000₮
Даатгалын хураамж:
Даатгалын хураамжийн хэмжээг тогтоохдоо даатгалын суурь хураамжийн хэмжээг жолоочийн даатгалын тухай хуулийн 11.1-д заасан итгэлцүүрээр нэмэгдүүлж буюу хорогдуулж тооцно.
Нөхөн төлбөрийн нөхцөл:
 • Хохирогчид олгох нөхөн төлбөрийн 80 хүртэл хувийг хохирогчийн амь нас, эрүүл мэндэд учирсан хохиролд, 20 хүртэл хувийг хохирогчийн эд хөрөнгөд учирсан хохиролд олгоно.
 • Нөхөн төлбөрийн хэмжээг бүрэн тогтоохоос өмнө хэд хэдэн хохирогчийн хүсэлтээр нөхөн төлбөрийг хэсэгчлэн олгохоор бол эхний удаад хохирогч бүрд ижил хэмжээгээр, хохирлын хэмжээ бүрэн тогтоогдсоны дараа хувь тэнцүүлэн олгоно.
 • Нөхөн төлбөрийн хэмжээг бүрэн тогтоох хүртэл хохирогчийн хүсэлтийн дагуу нөхөн төлбөрийг хэсэгчлэн олгож болно.
Хасагдах хэсэг /нөхөн төлбөр олгохгүй нөхцөл/:
 • Сэтгэл санааны хохирол;
 • Хүрээлэн байгаа орчныг бохирдуулснаас үүссэн хохирол;
 • Даатгуулагчийн автот‎ээврийн хэрэгсэл, ачаанд учирсан хохирол;
 • Хууль болон даатгалын гэрээнд заасан хэмжээнээс илүү гарсан хохирол.

Question 7

Жолоочийн хариуцлагын сайн дурын даатгал

Accepted Answer

Даатгалын зүйл:
Даатгуулагчийн жолоочийн хариуцлагын албан журмын даатгалаас нөхөн төлж буй нэг удаагийн төлж болох дээд хязгаараас давсан хохирлыг нөхөн төлдөг бүтээгдэхүүн юм.
Даатгалын хугацаа:
12 сар
Хамгаалах эрсдэлүүд:
1. Гуравдагч этгээдийн эд хөрөнгөнд хохирол учруулах
2. Гуравдагч этгээдийн амь нас, эрүүл мэндэд хохирол учруулах
3. Зорчигчийн амь нас, эрүүл мэндэд хохирол учруулах
Даатгалын үнэлгээ:
5 сая-аас давсан дүн буюу даатгагч даатгуулагч нар харилцан тохиролцоно.
Даатгалын хураамж:
Эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Даатгуулагчийн эсрэг мэдүүлсэн нэг шалтгаанаас үүдэлтэй нэг буюу хэд хэдэн нэхэмжлэлийг даатгагч даатгуулагчийн хариуцах хэсгийг хасаж даатгалын үнэлгээнээс хэтрүүлэхгүйгээр нөхөн төлнө.
 • Нөхөн төлбөрийг  даатгуулагчид эсвэл даатгуулагчийн зөвшөөрөлтэй бол хохирсон этгээд болон түүний төлөөлөгчид шууд олгож болно. 
 • Даатгалын тохиолдол бий болсон нөхцөл байдлаас хамаарч даатгагчийн санаачилгаар нөхөн төлбөрийн хэмжээ, хэлбэрийг харилцан тохиролцож шийдвэрлэж болно.
Хасагдах хэсэг /нөхөн төлбөр олгохгүй нөхцөл/:
 • Даатгуулагчийн өөрийн жолоодож явсан тээврийн хэрэгсэл, тээврийн хэрэгсэлд байсан амьтан, эд зүйлс, ачаанд учирсан хохирол;
 • Даатгуулагч нь ан ав хөөх, уралдааны зорилгоор хөдөлгөөнд оролцож явсан үед бусдад учруулсан хохирол; 
 • Зорчигч тээвэрлэх зориулалтын бус тээврийн хэрэгслээр хүн тээвэрлэж яваад учирсан хохирол; 
 • Зорчигчийн буруутай үйлдлийн улмаас бусдад учруулсан хохирол; 
 • Тээврийн хэрэгсэлд нэмэлтээр суулгасан тоноглол, төхөөрөмжийн улмаас учирсан аливаа хохирол, түүний үр дагавар;
 • Даатгуулагч даатгалын тохиолдол бий болох буюу бий болохуйц нөхцөл орчныг бүрдүүлсэн; 
 • Жолоодох эрхгүй этгээд жолоодсоны улмаас учирсан хохирол; 
 • Тээврийн хэрэгслийг уралдаан тэмцээнд ашигласан, даац хэтрүүлсэн туулах чадварыг болон уул усанд найдвартай эсэхийг туршсанаас үүдсэн хохирол; 
 • Тогтсон гарам болон зам гаргаагүй хэсгээр гол, горхи, мөрөн, нуур гатлах, мөсөн дээгүүр явах эсвэл мөстсөн голоор гарах үед учирсан хохирол; 
 • Даатгуулагчийн санаатай буюу илт болгоомжгүй үйлдэл, эс үйлдлийн улмаас учирсан хохирол; 
 • Жолоочийн хариуцлагын албан журмын даатгалын үнэлгээ хүртэлх хохирол; 
 • Даатгуулагчийн хууль бус үйлдлийн улмаас учирсан хохирол; 
 • Даатгуулагч бусдын эзэмшлийн тээврийн хэрэгслийг жолоодож явахдаа тухайн тээврийн хэрэгсэл болон тээврийн хэрэгсэл дотор байсан эд хөрөнгөнд учруулсан хохирол

Монгол улсын Замын хөдөлгөөний дүрэмд заасан хориглосон агуулга бүхий заалтуудыг зөрчсөнөөс үүдсэн дараах хохирол. Үүнд:
 • Улаан гэрэл дохиогоор хөдөлгөөнөө үргэлжлүүлсэн;
 • Буцаж эргэх үйлдлийг хориглосон газар, эсвэл буцаж эргэхийг хориглосон тохиолдолд буцаж эргэсэн;
 • Гүйцэж түрүүлэх үйлдлийг хориглосон газар эсвэл гүйцэж түрүүлэхийг хориглосон тохиолдолд гүйцэж түрүүлсэн, урсгал сөрж явсан;
 • Төмөр замын гармаар нэвтрэх хөдөлгөөнийг хориглосон заалтыг зөрчсөн; 
 • Замын хөдөлгөөний дүрмийн 12.4, 12.5 болон 12.6 заалтуудыг зөрчиж  хурд хэтрүүлсний улмаас учирсан хохирол, түүний үр дагавар;
 • Замын хөдөлгөөний дүрэмд заасан эвдрэл, гэмтэл, техникийн зөрчилтэй буюу тээврийн хэрэгслийн техникийн байдалд тавих стандартын шаардлагыг хангаагүй, улсын техникийн ээлжит үзлэг, бүртгэлд хамрагдаагүй эсвэл бүрэн бус тээврийн хэрэгслийг ашиглах үед учирсан хохирол;

Хариуцлагын даатгал

Холбоо барих

7777-9000

Даатгалын салбарын мэдээг цаг алдалгүй мэйлээр хүлээн аваарай.