Эрүүл мэндийн даатгал

Question

Accepted Answer

Даатгалын зүйл:
Даатгуулагийн эрүүл мэндэд учирсан осол, өчлөлүүдийг эмчлэх зардлыг нөхөн төлдөг бүтээгдэхүүн юм.
Даатгалын хугацаа:
12 сар
Хамгаалах эрсдэлүүд:
 • Мэргэжлээс шалтгаалах өвчин
 • Бүх төрлийн гэнэтийн осол
 • Ердийн болон халдварт өвчин
 • Архаг, хууч өвчин
 • Хавдар
 • Бусад
Даатгалын үнэлгээ:
Стандарт хамгаалалттай: 20,000,000₮ 
Өндөр хамгаалалттай: 50,000,000₮
Даатгалын хураамж:
Эрсдэлийн тооцоололд үндэслэн даатгагч тогтооно.
Нөхөн төлбөрийн нөхцөл:
 • Энэхүү даатгалын гэрээний хугацаанд олгох нөхөн төлбөрийн нийт хэмжээ хамгаалалтын хүснэгтэд заасан даатгалын үнэлгээнээс хэтрэхгүй байна.
 • Даатгалын хамгаалалтын хүснэгтэд заасан эмчилгээний зардал буюу нөхөн төлбөрийг даатгуулагч эсвэл эмчилгээ, үйлчилгээ үзүүлсэн эмнэлэг рүү шилжүүлнэ. 
 • Даатгагчаас төлөх нөхөн төлбөрийн хэмжээг тооцохдоо, эмчилгээ, үйлчилгээний төлбөрөөс улсын эрүүл мэндийн даатгалын хамаарах хэсгийг хассан дүнгээс даатгагчийн төлөх хувиар тооцно.
 • Хэрвээ эмнэлэгт хэвтэн эмчлүүлсэн хугацаа эсхүл эмчилгээний төлбөр нь үндэслэлгүй гэж даатгагчийн зөвлөх эмч үзсэн тохиолдолд, даатгагч өөрийн зөвлөх эмчийн зөвлөсний дагуу тохирсон, хэвийн, дундаж зардлаар тооцож төлбөрийг хязгаарлан багасгана. 
 • Даатгуулагчид эмчилгээ оношилгоо нь амь нас эрүүл мэндэд заналхийлсэн эсэхийг даатгагчийн нөхөн төлбөрийн эмч шийдвэрлэнэ. Даатгагчийн зөвлөх эмчийн давуу эрхт шийдвэрийн дагуу тухайн эмчилгээ үйлчилгээг гэрээнд хамааран нөхөн төлбөр олгох эсэхийг шийдвэрлэнэ.
Хасагдах хэсэг /нөхөн төлбөр олгохгүй нөхцөл/:
 • Даатгуулахаас өмнө төлөвлөгдсөн өвчлөлийн эмчилгээ, үйлчилгээний төлбөр; 
 • Даатгагч эсхүл зөвлөх эмч үндэслэлгүй, стандарт бус, шаардлагагүй гэж үзсэн аливаа эмчилгээ, зардлууд; 
 • Даатгагчийн урьдчилан зөвшөөрлөөр зөвшөөрөөгүй эмчилгээ, үйлчилгээний зардлууд;  
 • Эм болон хорт зуршлын донтолтын эсрэг эмчилгээ болон эдгээр асуудлаас шууд болон шууд бусаар үүссэн тохиолдлууд; 
 • Жирэмслэлтээс хамгаалах хэрэгслүүд, жирэмслэхгүй болгох мэс ажилбар (эсхүл түүнийг буцаах),  үрийн суваг боолгох, үргүйдлийг оношлох эмчлэх, үүнтэй холбоотой ажилбарууд болон лабораторийн нөхцөлд үр тогтоохтой холбоотой бүх төрлийн ажилбарууд; 
 • Төрөлтийн гэмтэл, согог, удамшлын эмгэг эсхүл төрснөөс хойш 2 сараас дээш хугацаанд үргэлжилсэн гэмтэл, гажигтай холбоотой нэхэмжлэл; 
 • Зулбалт, умайн гадуурх жирэмслэлт ба амьгүй төрөлтөөс бусад жирэмслэлт таслалт; 
 • Төрөхийн өмнөх сургалт хичээлүүд болон төрөлттэй шууд холбоотой биш эх баригчийн төлбөр; 
 • Төлөвлөсөн гэрийн төрөлттэй холбоотой үүссэн хүндрэлүүд; 
 • Зөвлөх эмч эрүүл мэндийн хүндрэлийн улмаас зайлшгүй шаардлагатай байсан гэж үзээгүй бол жирэмсэн эмэгтэйн төрөхөөр эмнэлэгт хүргүүлэх тээврийн зардал; 
 • Эмэгтэйн ургийн шингэний амниоцентез болон ДНХ шинжилгээний зардал; 
 • Хүлээлгийн хугацаа дуусаагүй байх үед үүссэн бүх төрлийн эмчилгээний зардлууд; 
 • 3 сараас дээш хугацааны диализ шаардлагатай архаг эсхүл төгсгөлийн шатны бөөрний дутагдал; 
 • Насжилттай холбоотой үүссэн эрүүл мэндийн асуудлын шинж тэмдгийн эсрэг эмчилгээ; 
 • Батлагдаагүй, туршилтын эм, эмчилгээ болон түүний үр дагаврууд; 
 • Эмчийн жороор аваагүй эм, Монгол улсын эмийн бүртгэлд бүртгэгдээгүй эм эсхүл биологийн идэвхт бүтээгдэхүүн, амин дэм хэлбэрээр бүртгэгдсэн эмчилгээний бэлдмэлийн зардлууд; 
 • Даатгалын хугацаанд үүссэн гэмтлийн улмаас хийгдэх шаардлагатай болсноос бусад бүх төрлийн гоо сайхны мэс засал, нөхөн сэргээх мэс засал, өөх болон биеийн бусад илүүдэл эдийг авах ажилбар болон эдгээрээс үүссэн аливаа үр дагавар; 
 • Нойрон дунд амьсгал зогсох хам шинж, хурхиралт болон бусад нойрны эмгэгүүдтэй холбоотой үзлэг, шинжилгээ болон эмчилгээ; 
 • Мэргэжлийн болон аюултай спортын тэмцээн уралдаанд оролцох, хичээллэх, бэлтгэх хийхтэй холбоотой даатгалын тохиолдол; 
 • Даатгагдсан этгээд буу зэвсэг ашиглах, тулалдах, цэргийн үйл ажиллагаанд оролцсон эсхүл дайн байлдаантай бүсэд зорчсоноос үүссэн даатгалын тохиолдол; 
 • Даатгагдсан этгээдийг ой, далай, цөл, ширэнгэ болон эдгээртэй ижил төстэй аливаа алслагдсан газраас эрж хайх үйл ажиллагаа болон агаар, далайгаар нүүлгэн шилжүүлэх, аврах ажиллагааны аливаа зардлууд; 
 • Асаргаа сувилгааны газар, рашаан сувилал (уламжлалт) эсвэл төстэй үйл ажиллагаатай газарт хийгдсэн бүх төрлийн эмчилгээний төлбөр болон бусад зардал; 
 • Хэвтэн эмчлүүлэх эмчилгээний чухал хэсэг болж хийгдээгүй, мөн хүлээн зөвшөөрөгдсөн нөхөн сэргээх газар, мэргэжлийн хүнээр хийгдээгүй нөхөн сэргээх эмчилгээ; 
 • Сурах бэрхшээл, хэт сахилгагүй байдал, анхаарал төвлөрөл дутагдах эмгэг, хэл засал, зан төлөвийн эмгэг эсхүл хүүхдийн хөгжилтэй холбоотой эмчилгээний зардлууд; 
 • Сэтгэцийн эмгэгийн эмчилгээ, оношилгоотой болон сэтгэцийн эмч, сэтгэл зүйч, зөвлөхийн төлбөртэй холбоотой зардлууд; 
 • Өөр даатгалын гэрээ эсхүл төрөөс хэрэгжүүлж буй бодлогын хүрээнд төлөгдөх, төлөгдсөн аливаа зардал, бусад даатгагч, ажил олгогч зэрэг холбогдох этгээдээр төлүүлсэн; 
 • Эд эрхтэн шилжүүлэн суулгахтай холбоотой эд эрхтэн олох, донороос эд эрхтэнг авах, хөлдөөх, суулгах, тээвэрлэхтэй холбоотой зардлууд; 
 • Хиймэл зүрх шилжүүлэн суулгалт; 
 • Даатгалын гэрээнд нэр зааж тусгаагүй, даатгалд хамруулахаар зөвшөөрөөгүй өвчин эмгэгийн эмчилгээний төлбөр; 
 • Даатгалын хамгаалалтын хүснэгтэд зааснаас бусад нүд, шүдний эмчилгээ, урьдчилан сэргийлэх эмчилгээ, тогтмол үзлэгүүд; 
 • ДОХ болон бэлгийн замын халдварт өвчлөлтэй шууд болон шууд бусаар холбоотой үүссэн зардал, хүйс солиулах хагалгаа болон үүнтэй холбоотой эмчилгээ, үйлчилгээний зардал;

Дараах шалтгаанаар даатгалын тохиолдол үүссэн: 
 • Санаатайгаар өөрийн биед гэмтэл учруулсан, гэмтэл учруулахыг завдсан, амиа хорлосон, амиа хорлохыг завдсан зэргээс үүссэн гэмтэл, бэртэл; 
 • Хүний амь аврахаас бусад тохиолдолд шаардлагагүйгээр өөрийгөө аюултай нөхцөлд оруулсан; 
 • Даатгагдсан этгээд эмчлэгч эмчийн зөвлөмж анхааруулгыг биелүүлээгүй;

Яаралтай шүдний өвдөлттэй холбоотой доорх зардлыг даатгагч хариуцахгүй: 
 • Ослын бус шалтгаантай тохиолдол; 
 • Гадны биет агуулсан болон агуулаагүй аливаа зүйл идэх болон уух үед; 
 • Гэмтэл нь хэвийн элэгдлээс үүдэлтэй бол; 
 • Шүдээ угаах болон бусад амны ариун цэвэр сахих үед эсхүл сахиагүйгээс үүссэн; 
 • Гадны нөлөөтэй бус үүссэн аливаа өвчлөл, гэмтэл; 
 • Шүдний яаралтай эмчилгээ, нөхөн сэргээх эсхүл засах эмчилгээ, аливаа үнэт металлын хэрэглээ, бүх төрлийн буйлны үрэвслийн эмчилгээ; 
 • Өвдөлт зовиурыг намдаахын тулд хийгдэх цорын ганц эмчилгээ биш бол бүх төрлийн шүдний мэс засал.

Гэнэтийн ослын даатгал

Эрүүл мэндийн даатгал

Холбоо барих

7777-9000

Даатгалын салбарын мэдээг цаг алдалгүй мэйлээр хүлээн аваарай.